Ómar og Ragna í Kaliforníu

2008-07-10T17:28:00.000-07:00

Vildi bara setja inn spennandi link hérna fyrir ykkur sem eruð að fylgjast með. Þetta er viðtal við Ómar sem að birtist í dag í einu af ´lókal´dagblöðunum hérna í Sacramento. Hann er með stóra sýningu núna á laugardaginn og spennandi að vita hvað gerist.

http://www.newsreview.com/sacramento/Content?oid=692192

Skrifa meira seinna:)

Ragna L

2008-05-21T21:17:00.000-07:00

Vúhúuuúuú....... Skólinn búinn!!!!!!!

Kláraði allt á miðnætti á þriðjudaginn. Skilaði heimaprófinu á netinu meira að segja rúmlega 12 tímum fyrir skilafrest. Ágætis tilbreyting það. Er nefnilega alltaf á síðustu stundu með allt svona og er að skila á síðustu mínútu. Deginum í dag var bara eitt í allskonar útréttingar. Byrja ekki að vinna fyrr en á Þriðjudaginn því það er frídagur á mánudaginn þannig að planið er bara að slappa smá af og njóta veðursins og kannski komast í smá Eurovision fíling.

Best að halda áfram að horfa á American Idol....

Þá er það næstum búið

2008-05-15T20:04:00.000-07:00

Er ekki alveg að ná því en önnin er barasta að verða búin. Klíníkin búin og síðasti tíminn var í gær, miðvikudag. Það eina sem er eftir er eitt próf á mánudaginn og svo heimapróf sem ég á að skila á miðvikudaginn. Hefði getað endað þannig að vera í 3 lokaprófum á mánudeginum en 2 bekkirnir eru þannig að það eru 5 próf yfir önnina en það er bara meðaltalið af 4 sem telja. Ég var svo dugleg alla önnina að ég þarf ekki að taka síðasta prófið því ég enda með 9.7 og 9.8 í bekkjunum..... vííííí´íííííí´í........

Byrja svo að vinna í næstu viku. Er svo heppin að geta farið aftur í gömlu vinnuna mína yfir sumarið. Verð í því að hjálpa við að setja upp ný ´case´og þjálfa nýtt fólk. Ætla svo að reyna að halda einvherjum tímum í vinnunni á næstu önn því ég verð ekki með eins margar einingar og þessa önn.

Sumarið er nú komið til að vera..... 38 stiga hiti í dag sem er nú kannski aðeins of mikið af því góða. Maður reynir bara að halda sig innan dyra í vel loftkældri íbúð.

Jæja, ég ætla að fara að kæla mig niður og fá mér frostpinna...... væri svo til í grænan Hlunk núna. Það er ekkert sem kemur nálægt því hérna:(

Vona að sumarið sé komið hjá ykkur líka.

Ragna

Spring Break

2008-04-02T22:52:00.000-07:00

Jæja, loksins drattast ég að skrifa eitthvað á þetta blessaða blogg. Ég er ekki viss um að einhver er ennþá að kíkja inn á þetta fyrir utan kannski mömmu og Maríönnu, já og hana Silju.

Ég er búin að vera í spring break núna þessa vikuna og er búin að afkasta alveg heilmikið af því sem ég var búin að plana. Aðal planið var nú að slaka á og læsa skólabækurnar inn í skáp og ekki stíga fæti upp í skóla, og hef ég sko aldeilis staðið við það. Ég er líka búin að lesa eina bók, fara í göngutúra, gymmið og sofa. Eyddi öllum deginum í dag í að fara í gegnum fataskápinn minn og fyllti þrjá ruslapoka af fötum sem ég ætla að fara með í Good Will á morgun. Nú er ég komin með pláss fyrir helling af nýjum fötumJ Fór líka á þriðjudagsmorguninn með einum supervisornum mínum úr skólanum í heimsókn til eins lítils 2 ára stráks. Hún vinnur við það að prófa börn upp til þriggja ára aldurs og ef þau eiga rétt á þjónustu þá bendir hún á talmeinafræðinga sem að koma síðan heim til barnanna að vinna með þeim eða þá á stofur hérna í nágrenninu. Það var alveg æðislegt að fylgjast með henni. Þetta er enn annað sem að ég hef mikinn áhuga á, þ.e. ´early intervention´ eða eins og það er sagt á góðri íslensku, held ég, ´snemmtæk íhlutun´.

Það rættist líka heldur betur úr veðurspánni í vikunni. Það byrjaði að rigna á sama klukkutíma og ég formlega byrjaði í fríi og það var spáð rigningu alla vikuna. Alveg týpískt, það var búið að vera alveg æðilsegt veður allan síðasta mánuðinn, svona ekta vorveður og ég svona gat notið þess á meðan ég hljóp út bílnum inn í bygginguna mína eða á hlaupum yfir í aðra byggingu til að hita upp hádegismatinn minn. En það er búið að vera mjög fínt veður, engin rigning, bara smá skýjað og 18 stiga hiti. Á morgun og næstu 10 dagana er svo spáð sól og yfir 20 stiga hita. Planið er að planta mér bara með bók á svalirnar í nýja fína sólbekknum mínum.

Við Ómar upplifðum ekta ameríska hefð nú á sunnudaginn. Fórum í ´brúðkaups sturtu´ eða ´wedding shower´ hjá vinum okkar Teklu og Tye. Þetta var alveg eins og þið ímyndið ykkur, cheesy leikir og svona. Þetta var svona ´international´ þema því þau ætla í bakpokaferðalag um Evrópu í mánuð eftir brúðkaupið. Fánar út um allt og svo matur með Evrópsku þema. Vorum ekki alveg sátt við það sem átti að vera danskt smörrebröd þar sem það var á þykku baquette brauði með þykku lagi af smjöri og kalkúnaskinku. Við náttúrulega smjöttuðum á þessu, brostum og kinkuðum kolli þegar fólk komst að því að við höfðum búið í Danmörku og sögðum að þetta minnti mjög mikið á tíma okkar þar. Við þögðum líka þegar danska orðið fyrir franskar kartöflur var bara þvílíkt rangt stafað að við þekktum það ekki. Reyndar unnum við þann leik þar sem við áttum að para orð fyrir franskar kartöflur á mismunandi tungumálum við rétta landið.... fengum 11 af 15 rétt. Ef við hefðum ekki rústað þessu svona þvílíkt þá hefðum við kannski gert mál út af rangri stafsetningu.

Af Ómari er bara allt gott að frétta. Hann er byrjaður á nýrri vakt í vinnunni sem er frá 4 á morgnana til 1 á daginn þannig að hann er farinn í háttinn um átta leytið á kvöldin. Við sjáumst þess vegna ekki mikið í vikunni því yfirleitt kem ég úr skólanum milli 6 og 7. Hann er þó með frí allar helgar sem er þvílíkur munur. Hann fílar þetta mjög vel því þetta gefur honum tíma í stúdíóinu sínu á daginn án þess að vera með samviskubit yfir því að vera ekki með mér því ég er í skólanum. Reyndar verður hann að vinna upp í skóla næstu 6 vikurnar því hann er að leysa af fyrir vin sinn sem er í fæðingarorlofi.

Skólinn hjá mér gengur bara vel. Ansi mikð að gera á tímabilum en það eru bara 6 vikur eftir þegar spring break er búið. Gengur bara mjög vel í klíníkinni og er ég alveg viss um að þetta er eitthvað sem ég á eftir að fíla að gera. Það eru svo margar leiðir sem maður getur farið í þessu og ég hef áhuga á svo mörgu, en ég er alveg viss um hvað ég vil ekki fara út í. En maður á aldrei að segja aldrei og það er gott að fá smá reynslu þó svo að maður verði ekki að vinna á því sviði.

Jæja, nú er nóg komið af rambli í mér. Kannski ég bloggi bara fljótlega næst svo ég fái ekki svona bloggræpu aftur....

Vonandi hafið þið það sem allra, allra best.

-Ragna L.

Ómar MacGyver

2008-02-07T20:35:00.000-08:00

Ég er alltaf að komast að því meira og meira hve hæfileikaríkum manni ég er gift. Lenntum í því að læsa okkur út úr íbúðinni á þriðjdaginn. Já, ég veit algerir lúðar..... um leið og við lokuðum hurðinni á leiðinni út uppgötvuðum við að hvorugt okkar vorum með lykla.... ekki einu sinni bíl lykla. Og í staðinn fyrir að borga fyrir lásasmið þá klifraði Ómar upp á svalirnar og braust inn í gegnum svalahurðina með grillbursta...... og vír úr kattasandskassa. Tók 10 mínútur og við vorum meira að segja með spýtukubbinn fyrir svalahurðinni sem á að koma í veg fyrir að hægt sé að renna henni til hliðar og komast inn. Spöruðum okkur náttúrulega lásasmið en það neikvæða er að nú veit ég hversu auðvelt er að brjótast inn í íbúðina, sérstaklega þegar áhöldin eru til staðar á svölunum. Nú er grillburstinn geymdur inni ásamt öllu því sem mögulega hægt væri að brjótast inn með. Ég efast um að það sé hægt að nota útigrillið sjálft eða þá hvítu plaststólana sem ´innbrotsáhöld´. Nýju, fínu stólarnir og sólbekkirnir tveir sem ég fékk í Target fyrir 5 dollara eru enn inni í stofu og bíða bara eftir vorinu:)

Annars er allt bara í gúddí.... er búin með ´lesson plönin´fyrir næstu viku og er bara tilbúin í slaginn. Fer á ráðstefnu upp í skóla allan daginn á morgun og vonandi verða þetta áhugaverðir fyrirlestrar. Það verða líka alls konar fyrirtæki, skólar og spítalar með bása á staðnum til þess að reyna að ´múta´okkur nemunum með alls konar gjöfum og loforðum ef við komum til þeirra þegar við erum útskrifuð. Það verður vonandi áhugavert.

Vonandi hafið þið það gott farið vel með ykkur í snjónum á Íslandinu.

Fabulous Foursome

2008-02-04T23:06:00.000-08:00

Ég trúi því ekki að skólinn sé byrjaður. Fríið var alveg æðislegt og það var alveg frábært að fá Maríönnu og Þráinn í heimsókn. Við náðum að gera margt skemmtilegt og meira að segja að slappa af. Við Maríanna gerðum góða hluti á brettunum í brekkunum í Tahoe eftir að hafa komist “við krappan leik” upp eftir á keðjum á auðum veginum, vorum rignd niður í San Fran og vorum með nefið ofan í líkömum af dauðu fólki. www.bodiestheexhibition.com .Set kannski inn myndir við tækifæri....

Skólinn byrjaði í síðustu viku og líst mér bara nokkuð vel á það sem er fram undan. Er að taka 17 einingar þessa önnina sem er víst nokkuð mikið á fyrstu önn í mastersprógramminu. En ég er viss um að þetta reddast alveg eins og síðustu tvær annir. Bekkirnir eru: Multilingual language disorders, Motor speech disorders, Aural rehabilitation, Methods in Speech I, Methods in Language I, Speech clinic I, Language clinig I og Hearing screenings. Klíníkin hjá mér byrjar ekki fyrr en í næstu viku en ég er nú þegar komin með 3 manneskjur sem ég verð að vinna með þessa önnina. Verð með einn 78 ára mann með heyrnarskerðingu sem ég að hjálpa með varalestur og fleira. Verð með annan 10 ára strák sem er með central auditory processing disorder (er ekki með íslenska þýðingar á frekar mörgu þannig að þið verðið að afsaka enskusletturnar!!!). Svo verð ég með 6 ára strák í framburðarþjálfun. Á bara eftir að fá einn í viðbót. Á að vera með útlending í þjálfun við að laga hreim…..jáhá.... það á eftir að verða áhugavert..... Er orðin svolítið stressuð út af þessu öllu saman en um leið er þetta voðalega spennandi og ég get varla beðið eftir að henda mér í þetta allt saman.

Við fjórar vinkonurnar komumst að því að við erum bara nokkuð frægar innan deildarinnar. Málið er að við vorum fjórar sem komumst inn núna á vorönninni. Við erum allar búnar að taka bachelor bekkina á meiri hraða en fólk gerir venjulega og búnar að taka nokkra masters bekki án þess að vera formlega inn í prógramminu og erum að taka síðustu BS bekkina þessa önnina. Þannig að við vorum í rauninni teknar fram yfir fólk sem tók allt í réttri röð, útskrifuðust síðasta vor og biðu aukaönn á haustönninni. Maður finnur alveg fyrir því að sumum er ekkert svakalega vel við okkur og finnst við hafa orðið til þess að bekkjarfélagar þeirra komumst ekki inn. En hey.... svona er þetta bara...!!!! Fyrsta daginn í skólanum þá fórum við niður á klíníkina til að komast að því hvernig skjólstæðinga við myndum verða með. Þá hittum við eina stelpu sem er lengra komin og við kynntum okkur sem fyrstu annar nema, þá svaraði hún “ohhhh….. you guys are the famous fabulous foursome with a 4.0”. Þannig að við erum komnar með súperhetjunafn á grúppuna okkar. Frekar flott!!!!

Af Ómari er allt gott að frétta. Hann er að reyna að koma upp nýja studioinu sínu. Fær að vera í “bílskúr” í garðinum hjá einum af fyrrverandi kennara hans. Þarf reyndar að gera svolítið mikið fyrir skúrinn. Byrjaði með moldargólf og holur í veggjunum en þetta er víst allt að koma saman. Ómar er búin að vera á bleiku skýji síðan í gær eftir að hann fékk símtal frá Scarlett Johansen þar sem hún var að segja honum að kjósa Obama á morgun. Reyndar var þetta auðvitað bara upptaka af henni en hann fékk samt símtal frá Scarlett Johansen og hann ætlar að kjósa á morgun. Er ekki viss um hvort nýja vinkona hans hafi gert útslagið☺

Vonandi hafið þið það sem allra best og borðið ekki yfir ykkur af saltkjöti og baunum (ummm... væri alveg til í svoleiðis núna, hef ekki fengið svoleiðis í næstum 10 ár held ég bara)

2008-02-04T23:04:00.000-08:00

Gleðilegt nýtt ár!!!

2008-01-01T21:53:00.000-08:00

Nú kom að því að frúin fékk andann yfir sig til að blogga aðeins. Búin að safna krafti yfir allar hátíðarnar. Mikið borðað og sofið og.......... ekki neitt mikið meira. Ætlaði náttúrulega að skrifa svona jólakveðju blogg fyrir jól en....hmm... þannig að nú kemur það. Vonandi áttuð þið öllu frábær jól og góð áramót. Takk fyrir gömlu árin.

Það er mikið búið að gerast hjá okkur hérna síðasta árið og margt nýtt og spennandi fram undan. Ég fór til Íslands rétt fyrir páska til þess að vera við fermingu Óla bró og náði þess vegna að hitta næstum alla fjölskylduna í einu lagi. Það gerist yfirleitt aldrei að maður nái að hitta alla þegar maður fer heim því tíminn flýgur áfram í Íslands ferðum.

Í júlí heimsóttum við frænda hans Ómars og fjölskyldu í Norður Karólínu þar sem foreldrar hans, Einar og Trisha voru líka. Þar eyddum við langri helgi í góðri afslöppun á milli þess að fara gönguferðir í fjöllunum í kring.

Í ágúst komu svo mamma, pabbi og Óli og voru hjá okkur í næstum tvær vikur. Við fórum í stutta ferð í Santa Cruz þar sem ætlunin var að liggja á ströndinni en hitastigið var ekki alveg eftir pöntun þannig að það var minna um sólböð en bara meira um skoðunarferðir. Þau unnu þó upp sólbaðstíma þar sem fluttu út í sundlaug hérna úti þegar við komum tilbaka.

Í september byrjaði svo skólinn og var ég í mjög spennandi bekkjum; Assessment procedures, Central auditory processing disorders, Advanced child language disorders, Aquired neurogenic disorders og Inroduction to clinical practice. Önnin var mjög skemmtileg og sérstaklega þegar svo kom í ljós að ég hafi komist inn í masters prógrammið eftir að nefndin hafði náttúrulega tekið sér extra langan tíma til að ákveða hverjir komust inn. Þannig að loksins byrja ég svo í þessu langþráða mastersnámi núna í enda janúar.

Þessi önn var sú síðasta hjá Ómari þannig að hann útskrifaðist núna um jólin. Mestur tíminn hjá honum þessa önnina fór í að vinna að lokasýningunni hans sem var um miðjan nóvember. Hún heppnaðist alveg rosalega vel og var sérstaklega skemmtilegt að mæður okkar skutust hingað til þess að vera viðstaddar. Þær voru hérna hjá okkur í eina viku og þar sem þessi ferð var skilgreind sem MENNINGAR ferð þá drógum við þær með okkur til San Francisco að skoða MOMA þar sem Ólafur Elíason var með sýningu. Þá var líka farið í menningarferðir í ýmis moll og outlet.

Jólin hjá okkur voru mjög góð. Á aðfangadag elduðum við hangikjöt með uppstúf og alles og höfðum meira að segja malt og appelsín sem toppaði máltíðina. Ég reyndi við baunasúpuna góðu í annað sinn og verð ég að segja að hún heppnaðist bara mjög vel. Varð aðeins fyrir suður amerískum áhrifum hérna í Kaliforníu þannig að hún var í sterkari lagi:) Hún verður samt aldrei eins góð og hjá mömmu.

Skólinn hjá mér byrjar ekki fyrr en í endaðan janúar þannig að næsti mánuður verður bara mjög rólegur. Hætti í vinnunni 16. janúar svo ég geti einbeitt mér 100% að skólanum næstu annirnar. Maríanna og Þráinn koma svo 17. jan og verða í rúmlega viku. Planið er að fara eitthvað upp til Lake Tahoe að brettast og svo verður örugglega eitthvað um fleiri menningarferðir.

Vonandi hafið þið það sem allra best á nýju ári.

Ragna Laufey

ps. Ómar er með myndasíðu á www.picturetrail.com/omarthor
Hann er líka með bloggsíðu á www.omarthor.blogspot.com
Hann er svipað aktífur í að blogga eins og ég, ef ekki verri, þannig að ekki búast við miklu:)

2007-06-16T22:23:00.000-07:00

Jæja, annar softball leikurinn fór ekki eins ''vel" og sá fyrri. Við algerlega steinlágum og enda staðan var eitthvað um 48-27. Við áttum að vera að spila við sama lið og síðast en helmingurinn af liðinu var nýtt fólk. Reyndar vantaði okkur 3 bestu spilarana okkar.... gerum bara betur næst!!!! Það er ennþá von fyrir okkur enda er nafnið á liðinu okkar HOPE. Ég veit, voða klisjukennt en HOPE er nafnið á fyrirtækinu og okkur fannst það bara passa fínt.
Ryan og Laura komu að horfa á leikinn og svo fórum við heim þar sem við Laura mixuðum okkur aðeins of sterkar margaritur og enduðum á að sofna báðar í sófanum í miðju Cranium spili. Dagurinn í dag er þess vegna ekki búin að vera neitt voða aktífur. Friends stendur alltaf fyrir sínu á svona tímum:)

Over and out

2007-06-12T22:54:00.000-07:00

Bráðnaðir gúmmíbangsar nást úr bílsætum með Windex, vatni og 40 mínútna skrúbbi:)

2007-06-12T22:34:00.000-07:00

Jæja, fyrst ég var að asnast til að skora á Silju og Hjalta í blogg keppni þá verð ég víst að setja eitthvað inn hérna annars lagið enda alltaf verið mikil keppnismanneskja:)
Vinnan komin á fullt hjá mér og börnin farin að hlaðast upp. Er núna með 6 börn í allt og þarf að reyna að skipta tíma mínum jafnt á milli þeirra allra. Er reyndar ekki að vinna mikið 1:1 með þeim öllum, bara nokkra tíma á viku með hverju og svo þjálfa ég aðra í að vinna með þeim. Var að byrja með 8 ára tvíbura núna í vikunni og það á eftir að vera eitt erfiðasta 'case' sem ég hef þurft að vera með. En vonandi reddast það allt saman, verð bara að taka Pollýönnu á þetta þó það verði erfitt.

Þangað til næst,

RL

2007-06-10T12:35:00.000-07:00

Jæja, nú er bara ágætlega viðburðar ríkri helgi að verða lokið og ég með harðsperrur dauðans. Spiluðum okkar fyrsta softball leik á föstudags kvöldið og það gekk bara framar öllum vonum. Nei, við unnum ekki en við töpuðum ekki mjög stórt. Vorum reyndar undir allan tímann en ekki með miklu.... Já, ég veit, þetta er voða Pollýönnulegt en svona erum við reyndar öll í vinnunni. Við vinnum við að hrósa börnunum allan daginn og alltaf verið að einblína á það pósitífa... þannig að það er ekkert skrýtið að þetta smitist út. Hinu liðinu fannst við örugglega vera voðalega skrýtin.... en þetta var alveg voðalega gaman. Ómar skemmti sér meira að segja mjög vel.... Ég nefnilega dró hann eiginlega í liðið. Við spilum nefnilega í blandaðri deild og okkur vantar alveg hrikalega meiri stráka. Reglurnar eru þannig að við verðum að vera með að minnsta kosti 4 stelpur í liðinu til þess að geta verið í þessarri deild og það er bara einn strákur sem vinnur hjá fyrirtækinu. Höfum heyrt af hinum liðunum sem eru með kannski 10 stráka og 4 stelpur en við erum meiri hlutinn stelpur og 4 til 5 strákar þannig að þetta lítur ekki vel út.... það er náttúrulega bara staðreynd að strákarnir eru betri, eða svona flestir:) Það hlýtur samt að vera alger brandari að horfa á þetta.... sérstaklega okkur Ómar. Við erum að reyna að koma inn sér íslenskum stíl inn í amerískan softball sem lítur þannig út að Ómar er eins og Happy Gilmore þegar hann sveiflar kylfunni og ég lít út eins og ég sé að spila badminton (að vísu með báðum höndum)..... en.... ég hitti boltann alltaf nema einu sinni sem að kallast víst mjög gott:)

Á laugardagsmorguninn fór ég svo með nokkrum í vinnunni til Pleasanton sem er rétt austan við San Fran til að taka þátt í Walk Now for Autism. Þetta er ganga til stuðnings og fjáröflunnar fyrir rannsóknir á einhverfu. Vinnan mín safnaði rúmum 6 þús. dollurum á síðustu mánuðum sem fer beint til þessarra samtaka. Þetta var mjög gaman. Mörg hundruð fjölskyldur barna með einhverfu og fólks sem vinnur með þeim dagsdaglega voru þarna saman komin og það var svaka stuð á öllum... alveg æðislegt að fylgjast með þessu. Eina neikvæða var að ég brann svolítið á nebbanum og í hársverðinum og er með nokkuð flotta bændabrúnku eftir daginn.

Heillaráð vikunnar: Aldrei geyma gúmmíbangsa nammi í bílnum í 35 stiga hita. Það hefur tendens til að bráðna og leka yfir allt, eins og til dæmis síma, lykla, föt og yfir allt farþega sætið:)

Ragna

2007-05-29T22:30:00.000-07:00

www.picturetrail.com/ragnalaufey

2007-05-29T22:19:00.000-07:00

Víhíiííi.... Prófin eru búin!!!!! Kláraði prófin á fimmtudaginn og veit ekkert hvað ég á af mér að gera. Höfðum langa helgi núna og ég bara hékk heima og gerði ekki neitt nema sofa, borða, lesa og horfa á sjónvarpið. Horfði á næstum heila seríu af ER sem ég hafði geymt á Tivóinu mínu eftir önnina...ohhhh... elska þetta Tívó.... hefði ekki getað lifað önnina af án þess.
Verð samt að vinna mikið í sumar og er nú þegar búið að bæta á mig þremur börnum.... en ég plana nú samt að reyna að taka mér eitthvað frí þegar mamma, pabbi og örverpið koma til mín í menningarferð í ágúst. Og kannski eitthvað í kringum 22. júlí því þá eigum við hjónin 5 ára brúðkaupsafmæli. Vása...!!!!

Aðal fréttirnar eru samt þær að ég gerðist svo stórtæk og fór í gegnum allt myndasafnið okkar og henti inn nokkrum myndum frá síðastliðna eina og hálfa ári. Ég vona að ég hafi bjargað sumrinu hjá þér eldri frænka sem alltaf ert að kvarta yfir myndaleysi.....:)

Meira seinna.....

Alveg að verða búin!!!!!

2007-05-21T22:14:00.000-07:00

Bara eitt próf eftir á fimmtudaginn......... alveg að vera búin:)
Ég er ekki að trúa því að þessi önn sé að verða búin. Næsta helgi verður tekin í að lesa góða bók úti við sundlaug og kannski góða sumar hreingerningu, trúið mér.... það er nauðsynlegt!!!!

Verð kannski duglegri að blogga í sumar. Ómar heldur því fram að mér eigi eftir að leiðast alveg hrikalega.... en ég finn mér eitthvað að gera. Kannski bara blogg á hverjum degi... hver veit?!? Svakalega spennandi.... hmmm......!?! Verð að vinna náttúrulega eitthvað meira en ég held ég ætli bara að reyna að slappa sem mest af.

Skrifa meira seinna

Ragna

2007-04-04T20:31:00.000-07:00

Jæja, ég komst heim heilu á höldnu eftir mjög svo vel heppnað frí á Íslandi.
Ætla að blogga meira um það seinna og meira að segja að setja inn myndir.!!!!

Þó svo að það hafi verið voða gott á Íslandi þá er líka voða gott að vera komin heim í rútínuna. Næsta eina og hálfa vika verður samt algert brjálæði. Þarf að vinna upp þessa 2 daga sem ég missti úr.... próf næsta mánudag og þá verð ég líka að gera mína fyrstu heyrnarmælingu með öllum tækjum og tólum. Svo er líka próf á fimmtudaginn og þá á ég líka að skila stóru verkefni og vera búin að ákveða rannsóknarefni fyrir einn tímann.... þannig að..... ekkert blogg fyrr en þetta er allt búið.

Öppdeit

2007-03-01T22:39:00.000-08:00

Hæ, hæ....
Jú, jú, ég er enn á lífi. Er bara brjálað að gera í skólanum þannig að ég hef ekki haft samvisku í það að blogga eitthvað... vá.. þetta var góð afsökun. Reyndar átti ég í smá erfiðleikum með að skrá mig inn á bloggið síðustu daga. Þá var ég með alveg svaka flott blogg tilbúið sem er nátturulega orðið úrhelt núna.

Annars er bara allt gott að frétta af okkur. Ég er byrjuð í skólanum og líkar bara vel. Allir bekkirnir eru mjög athygglisverðir, sumir náttúrulega meira en aðrir. Er að taka 5 bekki þessa önnina. Clinical Phonology, Acoustics, Voice Disorders, Language Disorders and Audiometry. Ég nenni eiginlega ekki að reyna að þýða þetta yfir á íslensku þannig að þetta verður að duga. Það var bara byrjað á fullu fyrstu vikuna og er ég búin að vera í að minnsta kosti í einu prófi á viku. Sem er bara gott því það heldur manni við efnið:) Núna telur maður tímann í prófum, þ.e. það eru 3 próf í það að ég komi heim... ooohh...get ekki beðið:) Ótrúlegt hvað tíminn er eitthvað fljótur að líða, 3 vikur í spring break og svo er það bara lokaspretturinn.

Af Ómari er allt gott að frétta líka. Hann var að vinna verðlaun fyrir eitt af verkunum sínum í skólanum og fékk heila 1.000 dollara, sem að kom sér mjög vel.... Ef þið viljið kíkja á nýjustu verkin hans þá er heimasíðan hans www.picturetrail.com/omarthor myndin sem hann fékk verðlaun fyrir heitir Apocalypse.
Ómar er líka orðin nokkurs konar forfallakennari í skólanum. Hann er búin að taka að sér tvo teikni bekki því að kennarinn lennti í því að fóbrjóta sig. Hann er búin að vera aðstoðarkennari í nokkrar annir í nokkrum málningarbekkjum en það hefur allt verið sjálfboðavinna og verið með aðal kennaranum. Núna fær hann borgað og er einn með bekkina. Mjög góð reynsla það:)

Við höfum náttúrulega næstum ekkert sósíal líf en ég gerðist djörf og skráði mig í softball liðið í vinnunni. Ég hef aldrei spilað softball og veit ekkert um það en ákvað bara að slá til. Skráði meira að segja Ómar líka í liðið því að það vantar stráka svo við getum spilað í ákveðnum riðli. Fékk síðan tilkynningu í dag um hverjir væru í liðinu og það stóð Ragna Thordardottir og Omar Thordardottir...... hahahh... fannst það voða fyndið... held ég ætli bara ekkert að breyta því:)
Er svo að spá í að fara í kántrý línudans á morgun með fólki í vinnunni... ég veit.... ekkert smá halló. En það gæti bara verið gaman að prófa... spurning hvort ég nái að draga Ómar með í það. Ég efast stórlega um það...

Þetta var svona það helsta

Ragna Laufey

2007-01-20T20:08:00.000-08:00

Já, ég get ekki annað en sagt að síðast liðna vika hefur verið ein erfiðasta í vinnunni ever.... Ég er nefnilega að minnka verulega við mig tímana í vinnunni núna þegar ég er að fara að byrja í skólanum. Verð bara að vinna 8 til 10 tíma á viku í mesta lagi. Það náttúrulega þýddi það að ég þurfti að kveðja 3 af börnunum mínum. Það er það erfiðasta sem ég geri og það að þurfa að kveðja 3 í sömu vikunni var alveg hrikalegt. Kvaddi Claire littlu dúllu á miðvikudaginn. Hún er sú eina sem ég gat nokkurn veginn útskýrt fyrir að ég myndi ekki koma aftur. Hún virtist skilja það að mestu eftir að ég bjó til nokkurs konar félagsfærni sögu handa henni en hún heldur samt ennþá að ég sé að fara í sama skóla og hún:)
Erfiðast var það í dag þegar ég þurfti að kveðja hann Jonah. Ég er búin að vinna með honum nú í næstum 3 ár og hann var fyrsta barnið sem ég vann með þegar ég byrjaði í þessu. Hann meira að segja fylgdi mér þegar ég skipti um fyrirtæki fyrir 2 árum. Hann skilur örugglega ekkert afhverju ég er hætt að koma til hans. Reyndi náttúrulega að segja honum að ég myndi ekki koma aftur til hans en hann virtist meira vera fókuseraður á blöðrunni sem hann var að naga. En maður veit samt aldrei, gæti vel verið að hann skilji. Hef á tilfinningunni að hann skilji meira en við höldum. Það er svo erfitt þegar maður verður svona rosalega tengdur krökkunum.... en það er ekki hægt annað. Maður er heima hjá þeim í marga klukkutíma á dag nokkrum sinnum í viku og gengur í gegnum súrt og sætt með þeim. Sem betur fer er þessi vika búin, ég er búin að kvíða henni núna í nokkra mánuði síðan ég ákvað að ég þyrfti að minnka vinnuna.

Ætla að fara að drekkja sorgum mínum og opna rauðvínsflöskuna sem amma hans Jonah gaf mér í dag... hún lítur voðalega vel út:)

Ragna

2007-01-10T20:08:00.000-08:00

Við bíðum spennt eftir morgundeginum því það á kannski að snjóa á morgun.... jáhá. Það er búið að vera í fréttum síðustu daga að það verði rosalega kallt á fimmtudeginum og föstudeginum og hitinn fer jafnvel niður fyrir frostmark.... úfff.... Fólk lætur eins og næsta ísöld byrji á morgun og er farið að breiða lök yfir appelsínutrén sín:) Það snjóar náttúrulega voðalega sjaldan hérna, þannig að ég er ekkert að ýkja að ég er bara nokkuð spennt og spurning hvort ég verði ekki bara með visa kortið tilbúið í fyrramálið til þess að skafa af bílnum......!!!!

Læt ykkur vita um gang mála:)

2007-01-07T13:37:00.000-08:00

Allir að horfa á An Inconvenient Truth með Al Gore.....
Nú er búið að bæta við nýársheit á þessu heimili.... byrja að setja dósir í endurvinnslu, hafa ískápinn opin ef að íbúðin verður of heit og kveikja á kertum ef okkur verður of kalt. Ómari verður ekki skutlað í vinnuna og skólann þegar hann getur alveg eins notað hjólið eða labbað, ég fæ samt að fara á bílnum í skólann því ég er löt.....ummmm hvað meira.... við eigum Toyotu sem er víst voða pósitíft svona umhverfisvænlega séð..... við kaupum ekki mat í umbúðum. Förum bara með pappírspokann okkar og tínum grænmeti, ávexti og baunir í hann og drekkum bara vatn. Hey, þá þurfum við ekki að fara með Pepsi dósirnar í endurvinnsluna!!!!!!

Spurning um að hemja sig aðeins, en ég mæli samt með myndinni:)

Bæjó,

Ragna Laufey sem á að vera að gera eitthvað allt annað en að bulla á blogginu

2007-01-03T21:43:00.000-08:00

Gleðilegt nýtt ár allir saman!!!!
Hátíðirnar fóru bara vel fram á þessu heimili. Á aðfangadag buðum við vinum okkar í hangikjöt, kalkún og með því.... við vorum nefnilega ekki viss um að öllum þætti hangikjötið gott þannig að við ákváðum að bjóða upp á eitthvað annað líka. Allt heppnaðist bara voða vel, það vel að allur matur kláraðist og það eina sem við höfðum að borða á jóladag var fyllingin á ristað brauð. Það var nú samt allt í lagi því hún var alveg ROSALEGA góð:) Þetta var líka allt voða alþóðlegt því það voru samankomnir, 2 íslendingar, 4 ameríkanar og einn Japani. Næstu jól ætlum við að reyna að bæta enn einni heimsálfu við og vinna okkur upp smá saman....
Gamlárskvöldi eyddum við heima hjá Laufey og Orra þar sem við drukkum nokkuð af kampavíni á meðan við dönsuðum við Stuðmenn í botni. Það er samt komin tillaga þess efnis að það verði aðeins meiri tilbreyting í tónlist næstu áramót.

Þegar maður fer að hugsa tilbaka þá heppnaðist árið 2006 bara svaka vel. Fengum marga góða gesti og náðum að fara til Íslands í sumar til að hitta fjölskylduna. Ég komst með annan fótinn inn í skólann og Ómar gerði rosalega vel í náminu sínu. Vonandi verður næsta ár eins gott.... eða bara betra....!!! Ég er allavegana komin með farmiða til Íslands í hendurnar:) Málið er það að hann litli bróðir minn er að fara að fermast um páskana og auðvitað verður maður að vera viðstaddur. Ég er nú ekki alveg að trúa því að hann sé að fara að fermast.... ég meina ég hélt á honum undir skýrn í fermingarveislunni minni og það er ekki það langt síðan ég fermdist..... eða er það!?! Hann minnti mig góðfúslega á fyrir nokkrum vikum að á þessu ári verð ég akkúrat tvisvar sinnum eldri en hann..... díses kr.....
Ég reyndar hafði lofað honum að ég myndi láta skýra barnið mitt í hans fermingarveislu en það er víst of seint að plana það núna þannig að ætli ég verði ekki að láta af þeim plönum.... En allavegana þá næ ég að vera 10 daga heima og verða viðstödd þennan stórviðburð.

Vonandi voru jólin og áramótin góð hjá ykkur öll og vonandi standið þið við öll áramótaheitin ykkar, alveg eins og ég mun geraJ Braut reyndar eitt strax 2. jan. en það voru bara byrjenda mistök og ég er aftur komin á rétta braut!!!!

Bæjó spæjó,

Ragna Laufey

2006-12-20T21:29:00.000-08:00

Vá, bara 4 dagar til jóla og spennan að magnast varðandi hvort að jólapakkarnir frá mér komist til Íslands fyrir jól þetta árið. Það hefur skapast hefð undanfarin ár að opna pakana frá Ameríku á milli jóla og nýárs. Það er nefnilega svo skrýtið að pósturinn er miklu, miklu hraðari frá Íslandi til mín en frá mér til Íslands. Tók til dæmis pakka frá mömmu og pabba 5 daga að komast upp að dyrum hérna en getur tekið allt upp í 3 vikur að komast til Íslands. Þannig að nú er bara málið að krossa fingur og vona það besta:)

Annars er allt bara gott að frétta af okkur, skólinn búinn hjá mér og bara einn dagur eftir hjá Ómari. Fékk að sleppa við lokaprófið í heyrnarfræðinni því ég er búin að vera svo dugleg stelpa alla önnina:) Ég segi bara sem betur fer því þetta var erfiðasti hlutinn, einhverjar taugar og svoleiðis leiðindi þannig að ég er svaka ánægð yfir að þurfa ekki að reyna að troða þessu í hausinn á mér fyrir próf, því ég veit að þetta fer allt strax út rétt eftir próf....hmmmm...!!!

Jólatréð fór upp í vikunni. Reyndar svolítið á eftir áætlun en við höfum ekki verið heima á sama tíma í langan tíma. Varð reyndar fyrir smá vonbrigðum því það tók ekki meira en hálf tíma í að skreyta.... mestur tími fór bara í að þrífa og taka til fyrir skreytingu. Komst að því að ég á bara ekki neitt jólaskraut!!!!!! Fór þá í Target og Pier One til þess að finna eitthvað fallegt en fann bara ekki neitt. En það er þó samt smá jóló hérna á Woodside.

Fórum um síðustu helgi í jólaveislu með vinnunni minni. Hún var haldin á Spirit of Sacramento sem er skip/veitingastaður sem siglir á Sacramento River og fer í gegnum Old Sac. Það var svaka stuð. Fínn matur, opin bar og dansað á eftir. Reyndar náði Ómar sér í svaka kvef eftir kvöldið því að snillingarnir sem að áttu skipið fannst þvílíkt sniðugt að taka mynd af hverju pari sem að kom inn, þannig að við biðum úti í 15 til 20 mín. í grenjandi rigningu. Og þið getið rétt svo ímyndað ykkur hvernig myndin af okkur leit út.... ummm....HRIKALEG....!!!!og ég sem tók klukkutíma í að gera hárið mitt voða fínt:(

Jólin hjá okkur verða voða íslensk í ár. Fyrir nokkrum dögum kom kassi frá foreldrum okkar með tvö stykki hangikjöt, Ora baunir og Rauðkál. Einnig eigum við svo rosalega góða fjölskyldu og vini sem að hafa sent okkur alveg fullt af íslensku nammi. TAKK TAKK!!!! Einar Karl kemur víst ekki til okkar þetta árið en við erum að spá í að bjóða vinafólki okkar í íslenskan jólamat á aðfangadag. Reyndar vantar mér hugmyndir fyrir forrétt fyrst að engin baunasúpa verður gerð úr þessum 4 baunadósum. Þannig að ef að einhver ykkar er með einhverja hugmynd, endilega látið mig vita. Annars er ég með eina snilldarhugmynd fyrir næstu jól. Hún er að enginn má koma í heimsókn hingað allt næsta ár án þess að taka með sér nokkrar Ora baunadósir. Ég ætla að byrja að safna:)

Verð líka að deila einu með ykkur. Fyrir ykkur sem ekki vita þá vinn ég með einhverfum börnum þar sem við veitum meðferð sem að kallast “applied behavior analysis” eða atferlismótun held ég að það kallast á íslensku. Þetta er náttúrulega alveg rosalega krefjandi oft en ég átti minn besta dag í vinnunni í síðustu viku síðan ég byrjaði í þessu. Ég er búin að vinna með litlum 3 ára kóreskum strák síðan í maí. Hann talar ekkert og foreldrar hans eru voða illa talandi á ensku og tala oftast kóresku við hann. Svo komum við inn og tölum náttúrulega bara ensku og svo er hann í skóla á morgnana þar sem er bara töluð enska. Það eina sem hann gat sagt var að telja upp á 20 og svo kunni hann stafrófið 100% og svo ´babblaði’ hann endalaust og söng óskiljanleg lög. En ef við sögðum honum að segja til dæmis stafinn ‘a’ þá sagði hann ekki neitt. Allt í einu í síðustu viku þá hermir hann eftir öllu sem við byðjum hann að segja td. ‘chocolatepie, Ragna, help, more, open the door’ og alveg hreint ótrúlegustu orð. Við vorum fjórar inni í herbergi hjá honum þegar hann byrjaði á þessu því það var akkúrat fundur þar sem við allar sem að vinnum með honum hittumst. Þið getið rétt svo ímyndað ykkur lætin í okkur þessa tvo tíma sem við vorum þarna.... það var grátið og hlegið og faðmast og klappað. Og það var eins og hann hefði aldrei gert annað heldur en að segja öll þessi orð. Það eru svona stundir sem að bæta allan pirringinn, gráturinn, öskrin, spörkin og bitin. Varð bara aðeins að deila þessu með ykkurJ

Jæja, þetta er orðið heldur langt. Það verður haldið kaflapróf á nýju ári.

Það verða engin jólakort í ár frekar síðustu árin þannig að ef ég gleymi að skrifa jólakortablogg fyrir jólin þá vona ég að þið eigið gleðileg jól og gott nýtt ár.

Ragna Laufey

Jóla hvað...!?!

2006-12-03T19:49:00.000-08:00

Var að fatta það nú í kvöld að það er fyrsti í aðventu og þá má nú fara að setja upp fyrsta jólaskrautið!!! Skaust í Target og ætlaði reyna að finna aðventu krans og reyna að gera smá jóló…. en auðvitað er ekki til neitt svoleiðis hér í Ameríkunni. Ætli ég verði ekki að gera mér ferð í IKEA ef ég á að fá svoleiðis. Annars er ég núna að hengja upp smá jólaskraut og hlusta á íslensk jólalög. Ég er nú aldeilis að brjóta allar fjölskyldu reglur því það eru mjög strangar jólaskreytingareglur í Dalalandinu.(Reyndar braut ég eina 30. nóvember þegar ég byrjaði að hlusta á jóladiskana sem mamma sendi mér og ekki einu sinni kominn 1. des. En þegar ég byrja að hugsa um það þá kom diskurinn seinni partinn þann daginn og þá var komið yfir miðnætti á Íslandi þannig að í rauninni var ég ekki að brjóta neinar reglur;) Þegar ég var ung og saklaus lítil telpa þá fóru sko engar jólaskreytingar upp fyrr en á Þorláksmessukvöld, ekki einu sinni seríur. Ég reyndi alltaf að mótmæla og ýta á skreytingar fyrr í Desember en ég var bara ein og var nú aldeilis í minnihluta. Svo fór að fjölga í fjölskyldunni og smá saman fóru systur mínar að aðstoða mig í þessarri baráttu. Smá saman fór pabbi að láta undan þrýstingi því þið getið rétt trúað því hve erfitt er að standa upp á móti þremur “fastlega ákveðnum” systrum (ég vildi sko ekki segja frekjum). Síðast þegar ég vissi þá má fara að skreyta í Dalalandinu þegar jólasveinarnir fara að tínast í bæjinn. Nema að Maríanna jólabarn sé ennþá að rífast og að skreytingarnar séu að fara upp enn fyrr. En ein reglan er alltaf föst. Jólatréð fer ekki upp fyrr en á Þorláksmessukvöld eftir skötu. Því verður aldrei breytt og það eru mjög fastar hefðir og reglur um hvernig það allt fer fram. Ég hef til dæmis ekki leyfi til að snerta toppinn sem fer á tréð eftir atvikið á Þorláksmessu "92. (er ekki með ártalið á hreinu en það er allavegana voða langt síðan og fólk á að vera búið að gleyma.....) Og ég er búin að brjóta þessa allra heilögu Dalalandsjólaskreytingareglu síðan ég fór að halda mín jól hér í Ammríkunni. Mitt jólatré mun verða sett upp næstu helgi og haldið ykkur nú…. það er gervi!!!!!! Það eru alltaf heitar umræður heima hver jól hvort að það sé ekki best að fá bara gervitré næstu jól…. en það er alltaf kæft af frekjunum í familíunni (nefni engin nöfn) Og ég veit að það verður aldrei gert!!!

En ég er með útskýringu á afhverju og hvernig ég réttlæti það að setja upp jólatréð svona snemma hér. Í Ammríkunni byrja jólin strax eftir Thanksgiving. Flestir setja upp trén strax daginn eftir og skreyta eftir því. Jólin hér eru svo voða mikið í undirbúningnum fyrir jólin en svo er bara allt búið 26. des. Allt tekið niður og fólk farið að hugsa um næsta frí. Heima standa jólin miklu lengur eftir 24. og 25. des. Þó svo að fólk sé alltaf að byrja fyrr og fyrr að jólast. Þannig að ég vil hafa jólatréð mitt uppi í allavegana tvær vikur. “When in Rome…..” Og þarna hafið þið það!!!!

Annars er ég búin að vera ein heima að jólast og læra alla helgina. Ómar er búin að vera í Iowa hjá Einari bróður sínum síðan á fimmtudaginn og kemur ekki fyrr en á þriðjudaginn. Þannig að jólalögin eru búin að vera í botni síðan þá, því Ómar er ekki beint jólabarn. Reyndar fæ ég hann alltaf í að hjálpa við að skreyta tréð og setja upp seríur og kannski setja toppinn á ef ég treysti mér ekki til þess:) Ég veit að innst inni finnst honum þetta æðislega gaman og smá saman breytist hann í svakalegt jólabarn...ehemmm.... Það er ekki annað hægt þegar ég er búin að þrýsta öllum mínum jólahefðum upp á hann!!!!

Barnadiskurinn er besti diskurinn af þessum 5 íslensku sem ég fékk senda. Glámur og Skrámur standa alltaf fyrir sínu og auðvitað Þórður húsvörður og Bryndís með “Út með köttinn” og Leppur, Skreppur og Leiðindaskjóða.

Jæja, farin að gera eitthvað að viti. Farið varlega í jólastússinu

Ragna Laufey

2006-11-28T21:40:00.000-08:00

Verð nú bara aðeins að monnta mig.... Var að koma heim eftir að hafa fengið út úr þessu blessaða prófi sem ég “fraus” í fyrir tveimur vikum. Ég náttúrulega bjóst ekki við neinu rosalegu, var svona nokkurs konar búin að sætta mig við að vera kannski svona rétt um meðaltal svo myndi ég bara “massa” næsta próf til þess að hækka lokaeinkunina. En nei, nei.... ég fékk prófið í hendurnar og ég kom út í 98%!!!!! Að vísu náði ég mér í nokkur extra kredit stig sem voru á prófinu.... en 98%!!!!. Ég byrjaði bara að fá tár í augun þegar ég leit á prófið. Þetta helv.... próf eyðilaggði marga, marga daga þar sem ég var í frekar leiðinlegu skapi og hundfúl út í sjálfa mig yfir að hafa “klúðrað” spurningum sem ég var 100% viss á. Þegar kennarinn sýndi okkur svo hvernig einkunirnar röðuðust komst ég að því að ég var með þeim 5 hæstu af 60 í bekknum....AAAhhhhhh!!!! Núna er ég ekki með neitt samviskubit yfir að hafa keypt mér tösku um helgina.... það eru sko verðlaun:)!!!

Annars er alveg skítakuldi hérna núna. Alltaf kemur mér það á óvart að það getur orðið svona kalt hérna þannig að fyrstu vetrardagana hangi ég úti á peysunni að drepast úr kulda og hugsa “hey, ég bý í Kaliforníu. Það er EKKERT kalt, það er EKKERT kalt, það er EKKERT kalt!!!!!”. En að lokum gefst ég upp og fer í úlpuna/jakkann og set á mig trefil og vettlinga. Þetta er nú ekkert miðað við kuldann á Íslandi en það fer nú stundum niður fyrir eða nálægt frostmarki....ehemmm....!!!

Þið verðið nú að afsaka dramatíkina í mér en ég er enn að ná þessu... sjálfstraustið hefur aukist aðeins:)

Ætla að fara að fá mér popp og kók og vinna upp sjónvarpstíma

Happy Thanksgiving

2006-11-23T10:25:00.000-08:00

Happy Thanksgiving!!!! Úff púff.... það þýðir að það er aðeins mánuður til jóla....!!!! Er einmitt að horfa á Macy´s Thanksgiving parade í sjónvarpinu. Mikið voðalega er þetta hallærislegt en ég bara get ekki slitið mig frá sjónvarpinu. Thanksgiving í ár verður í fyrsta skipti ekta amerísk hjá okkur. Síðustu ár hef ég reynt mitt besta að elda ekta Thanksgiving mat og boðið fólki heim. Reyndar hefur það bara gengið mjög vel, fyrir utan í fyrra þegar ég gleymdi fyllingunni í ískápnum og fattaði það ekki fyrr en þegar ég var að fara að sofa um kvöldið. En það var kannski bara allt í lagi því fyllingin dugaði í mat í viku á eftir. Förum á eftir í mat til foreldra vinkonu okkar sem að búa í Manteca sem er rétt hjá San Fran. Ómar heillaði foreldra hennar víst svo mikið í brúðkaupinu hennar Lauru og Ryans núna í vor. Sérstaklega þegar hann og pabbinn fóru í “dance off” í lok brúðkaupsins. Þannig að þau vildu endilega bjóða okkur í ekta fjölskyldu Thanksgiving. Læt ykkur vita hvort það verður annað “dance off” í kvöld:)
Annars eru síðustu tvær vikur búinar að vera “kolkreisí” eins og sumir myndu segja það. Mikið að gera í vinnunni hjá mér og extra mikið í skólanum. Stórt próf og svo auka tími sem að þurfti að fara í að vera á stofunni í skólanum og fylgjast með masters nemum í vinnu. Ómar var svo með sýninguna sína í skólanum í vikunni og það gekk bara framar öllum vonum. Kennararnir stóðu upp og klöppuðu fyrir honum, sem að hefur aldrei gerst svo folk muni eftir, og einn af þeim sagðist beinlínis vera afbrýðissamur út í verkin. Ómar kom náttúrulega heim úr matinu syngjandi og dansandi. Sama kvöld kom ég heim í brjáluðu skapi úr pófinu mínu eftir að hafa stressast svo mikið að ég starði bara á blaðið í 20 mín. En það reddaðist að lokum. Vona ég:)
Að lokum vil ég óska honum Óla bró til hamingju með frumsýninguna í gær. Heyrði að það gekk svaka vel. Þannig að ef þið viljið sjá ungan og efnilegan leikara að störfum endilega drífið ykkur:)

Þessa dagana standa yfir æfingar á nýrri jólasýningu sem sýnd verður í Borgarleikhúsinu í nóv. og des. Um er að ræða söngleik þar sem öll hlutverkin eru í höndum barna og unglinga sem numið hafa við söng og leiklistarskólann Sönglist, sem starfræktur er í samstarfi við Borgarleikhúsið. Sýningin, sem nefnist RÉTTA LEIÐIN, verður fyrsta samstarfsverkefni Sönglistar og Borgarleikhússins. Rétta leiðin fjallar um Heiðrúnu Birtu mannsbarn sem hefur alist upp í Jólalandi. Hún er send til mannheima ásamt Kuggi jólaálfi til að rétta öðrum hjálparhönd og breiða út jólaboðskapinn. Í mannheimum eru undirtektir erindis þeirra ekki nógu góðar og spurning hvort Heiðrún Birta og Kuggur hafa erindi sem erfiði. Leikstjóri sýningarinnar er Gunnar Helgason.
Ástæðan fyrir þessari auglýsingu er að Óli bró er að leika í þessari sýningu, hann leikur Kugg jólaálf. Þetta er örugglega rosalega skemmtileg sýning fyrir krakka, verst að ég get ekki farið á hana Sýningarnar eru flestar á daginn á virkum dögum því verið er að stíla inná grunnskólana, en einnig eru helgarsýningar í desember. Miðaverði er stillt í hóf. Ég hvet alla til að fara á þessa sýningu. Það eru tveir leikarar í öllum hlutverkum, þannig að ykkur sem langar að sjá Óla bró verið viss um að hann sé að sýna þann dag sem þið viljið fara. Ég er með sýningarplanið hans þannig að þið getið spurt mig.

*birt með leyfi frá Maríönnu Þórðardóttur auglýsingastjóra Ólafs Þórðarsonar

Von að helgin hjá ykkur verði góð.

Ragna Laufey Þórðardóttir, umboðsmaður Ólafs Þórðarsonar í Norður Ameríku

Vikulok

2006-11-03T21:11:00.000-08:00

Jæja, þá er loksins erfiðri vinnu og skólaviku lokið, reyndar þarf ég að vinna í fyrramálið... akkúrat núna vildi ég óska þess að ég hefði ekki boðist til að vinna á laugardagsmorgnum:( Vikan var algert hell (kannski við hæfi því Halloween var í vikunni muhahahah...) Til dæmis þá byrjaði þriðjudagurinn á því að fara til lítils stráks og þjálfa nýjan starfsmann. Strákurinn fékk klukkutíma 'tantrum' og reyndi að bíta okkur báðar. Já, voða gaman!! Brunaði svo upp í skóla þar sem ég fór í 2 miðsvetrarpróf. Fattaði svo um 7 leytið í miðju prófi að ég hafði steingleymt að gera extra kredit ritgerð sem átti að skila þá um kvöldið. Náði að blikka kennarann aðeins og hann gaf mér auka tíma fram að miðnætti til að skila. Brunaði heim og henti saman í stutta ritgerð sem ég síðan náði að skila. Ó, ég gleymdi að nefna að ég var líka veik með Kleenex fast við nefið allan daginn. Svaka stuð!!! Þannig að núna sit ég heima að vinna upp allan sjónvarpstímann sem ég missti í vikunni. "Thank good for TIVO!!!!" Og óska þess að uppvaskið sem hefur safnast upp síðan á þriðjudaginn hverfi allt í einu. Hey, vill einhver koma og búa hjá okkur til jóla og sjá um eldamennsku, uppvask og þvott???
Næstu vikur verða örugglega svipaðar því ég er að fara að bæta við mig einu barni í vinnunni, þannig að núna er ég með 4. Reyndar verð ég bara venjulegur "therapist" hjá honum þannig að ég geri bara það sem mér er sagt og þarf ekki að díla við auka pappírsvinnu og ábyrgð:)

Af Ómari er allt gott að frétta hef ég heyrt. Skólasýninginn hans er eftir eina og hálfa viku þannig að mest af hans tíma fer í að klára verk og gera allt tilbúið. Þið getið kíkt á síðuna hans ef þið viljið sjá það nýjasta. www.picturetrail.com/omarthor.

Annars verður helginni að mestu eytt í lestur og kannski smá sjónvarp ef ég verð dugleg;)

Vonandi verður helgin hjá ykkur góð

Ragna Laufey

blah...blah.... blah...!!!

2006-10-26T20:54:00.000-07:00

Er í smá sjokki hérna. Er svona smá saman að aðlagast skólaumhverfinu og komast inn í hlutina. Er búin að komast að því að í flestum bekkjum þá eru nemendurnir algerlega mataðir af upplýsingum. Til dæmis í einum heyrnarfræði bekknum mínum þá eru próf á hverjum þriðjudegi og svo 4 stór próf yfir önnina. Fyrir hvert próf þá fer kennarinn yfir það hvað verður á prófinu.... ég er ekki að grínast... hann beinlínis gefur okkur spurningarnar og svörin fyrir fram þannig að það eina sem fólk þarf að gera er að læra svörin utanað. Og auðvitað fá náttúrulega sem flestir A á prófunum. Svo fyrir síðasta þriðjudagspróf þá hafði kennarinn ekki tíma til að fara yfir það sem að yrði á prófinu og fólk fór algerlega í panik. Er búin að heyra af nokkrum svona bekkjum í prógramminu en svo eru náttúrulega kennarar eins og stam kennarinn minn sem að sagði okkur í fyrsta tíma að honum væri nákvæmlega sama hvaða einkunn við endum með... að það sýni ekkert hvað við eiginlega kunnum. Og er sko aldeilis ekki að að gefa okkur neinar vísbendingu um hvað verður á prófunum. Eitt neikvæða við hvað það er auðvelt að fá góða einkunn í sumum bekkjum er að þegar það kemur að því að fólk sækir um Masters prógrammið þá er það miklu meiri samkeppni því allir eru með góðar einkunnir og maður verður að vera með eitthvað auka til þess að eiga möguleika á að komast inn. Ég þarf að sækja aftur um masters prógrammið næsta haust þegar ég er búin með 'undergraduate' bekkina sem mig vantaði. Það eru bara 15 pláss en um 60 til 80 manns sem að sækja um. ÚFFFF.....!!!!!! Verð bara að vona það besta:)
Annað mál er að allir sem að fara í gegnum prógrammið verða að taka heyrnar og tal próf. Ef að það kemur upp að það er eitthvað að annaðhvort heyrn eða tali þá þurfa þeir að gera eitthvað til þess að laga það til þess að geta unnið sem heyrnar eða talmeinafræðingar hér, þá annaðhvort með heyrnartækjum eða talþjálfun. Ein þýsk vinkona mín sem er með mér í einum bekknum kom til mín í vikunni og sagðist hafa fallið á talprófinu af því að hún er með þýskan hreim. Hún hefur búið í Bandaríkjunum síðan hún var 12 ára og er með mjög lítinn hreim.... sko engann miðað við mig. Hún þarf örugglega að taka 'accent reduction class', það er bekk sem á að laga eða minnka hreiminn. Þannig að það lítur allt út fyrir það að ég þurfi líka að taka þann bekk á næstu önnum, tek örugglega prófin í vor.
Mér hefur alltaf fundist hreimur aðlaðandi sama hvaða tungumál er talað, það er ef manneskjan getur gert sig skiljanlega þrátt fyrir hreiminn. Aðal vandamálið er flæði tungumálsins. Ég efast nú um að það sé hægt að losa mig alveg við íslenska hreiminn en það er kannski bara pósitíft að laga hann aðeins;-)

Þetta var það helsta....
...þeir sem nenna að lesa þetta allt saman fá sérstök verðlaun:)

Ragna Laufey

2006-09-26T20:21:00.000-07:00

Hae, hae...
Akvad ad blogga bara sma tvi eg sit herna a bokasafninu i skolanum ad bida eftir Omari. Tridjudagar eru langir dagar hja okkur badum tvi eg er ekki buin i tima fyrr en half niu og Omar klukkan niu. Var i minu fyrsta alvoru profi nuna adan og gekk bara svona lala.... tad er alltaf svo erfitt ad fara i fyrsta prof hja kennara tvi madur veit ekkert hvernig prof hann hefur og svo er tessi kennari mjog svo spes, madur veit ekkert hvar madur hefur hann. Hann gleymdi medal annars ad panta bokina i boksolunni herna og hun kom ekki fyrr en i dag. Tannig ad profid atti bara ad vera ur efni sem farid var yfir i timum en tad er samt svolitid otaegilegt ad lesa fyrir prof bara med einhverjar glosur.... en nuna aetla eg ad haetta tessu kvarti. Tetta er nefnilega alveg rosalega skemmtilegur timi tar sem vid laerum bara um stam og tad er akkurat tad sem eg vil serhaefa mig i a medal annars:) Eg tarf bara ad komast i namsgirinn aftur og venja heilann vid ad taka a moti svona upplysingum.... hefur verid i pasu i of morg ar:(

Garnirnar gaula svo hatt i mer ad folk er farid ad snua ser vid.... held ad planid se bara ad kippa med ser Chipotle a leidinni heim ummmnammmmi........!!!! Kannski madur fai ser nu bara ekki eitt stykki ibufen med og vonandi sma baknudd...og beint i hattinn. Svakalegt astand er a manni:(

Hvad get eg bullad meira....... hmmmm?!?!

ohhh... svar vid spurningu a profinu var ad poppa upp i hausinn a mer... eg vissi ad eg vissi tetta... vissi tetta bara ekki a rettum tima sem var fyrir 40 min. sidan.... jaeja, tad verdur ad hafa tad.

Held eg haetti bara nuna adur en eg held afram ad bulla einhverja helv. vitleysu. Tolvuherberginu verdur lika lokad eftir 10 min. tannig ad tad er best ad eg fari bara ad drifa mig ut. MATUR!!!!!

Vonandi meikar naesta blogg meira sens!!!

Ragna Laufey skólastelpa!!!!

2006-09-09T14:55:00.000-07:00

Já, já, ég er hérna ennþá.....
Er búin að valda vissri frænku minni svo þvílíkum sálarkvölum í heilan mánuð því á msn-inu mínu er búið að standa 'nýtt blogg' frá síðasta bloggi sem var í júlí og hún kíkir í von og óvon á hverjum degi í von um nýjar fréttir af frænku sinni. Hef á tilfinningunni að það verði bloggað meira frá og með síðustu viku:)

Helstu fréttirnar eru þær að ég byrjaði í skólanum í síðustu viku... jáháaa... loksins eftir ansi of laaaanga pásu. Fyrir þá sem ekki vita þá ætla ég aðeins að útskýra allt þetta skólavesen á mér fyrir fullt og allt. Eftir að hafa fengið loksins öll gögn frá Danmörku á réttu tungumáli hélt ég að allt myndi nú fara að ganga eftir óskum... en neihei.... aldeilis ekki. Þannig er að ameríkanar þykjast náttúrulega vera betri en allir aðrir, svo að það endaði með því að þeir vildu ekki viðurkenna að ég væri með BA gráðu frá Danmörku vegna þess að það er "aðeins" þriggja ára gráða en þeirra gráða tekur 4 ár. Þeir vildu ekki skilja það að þeir byrja á gráðunni sinni strax eftir high school, þ.e. 18 ára og útskrifast svo venjulega 4 árum seinna en við tökum stúdentspróf 20 ára og svo 3 ár í Baccelor gráðu. Þetta er náttúrulega allt annað system. Þannig að það endaði með því að ég þarf að taka eitt ár af "undergraduate" kúrsum og mun þá sennilega fá BS gráðu héðan og svo byrja ég í Mastersnáminu næsta haust. Ég ákvað þá bara að taka Pollýönnu status á þessu (er svo voðalega góð í því eftir mikla æfingu) því ég tek mest megnis bara talmeinafræði kúrsa þetta árið sem er því mjög góð æfing áður en ég byrja svo í Masternum. Svo er náttúrulega prógrammið hér og prógrammið í Danmörku svo allt, allt öðruvísi að það er margt sem að ég hef ekki lært en flestir hafa haft hérna í BS prógramminu..... þannig að þetta er allt mjög pósitíft.
Reyndar er ég bara í 10 einingum þessa önnina.... í fyrsta lagi því ég klúðraði stundatöflunni minni og var búin að lofa mér í vinnu á þeim degi sem einn kúrsinn átti að vera, og ég gat ekki fengið mig í að taka hann og sleppa vinnunni (sérstaklega því ég fattaði þetta ekki fyrr en daginn áður). Í öðru lagi... uhmmmm.... það átti eitthvað að vera í öðru lagi en ég bara man ekki hvað það er. En Pollýanna segir að það sé bara betra að byrja hægt.... planið er svo að taka 17 einingar næstu önn. Þá verð ég víst að hætta í vinnunni og banka aftur upp á hjá þeirri yndislegu stofnun sem LÍN er....hlakka svo til:)
Planið er svo að útskrifast loksins sem talmeinafræðingur jólin 2009 (helv.... er langt þangað til) svo sjáum við til hvað gerist eftir það...

Já, nú hafið þið það

Af Ómari er allt gott að frétta líka. Hann verður víst með sýningu í hverjum mánuði fram að jólum þannig að það verður allt fullt að gera hjá honum. Höfðum smá kveðjustund í síðustu viku því við sjáum ekki fram á það að við sjáumst mikið fram að jólum.... en við erum búin að lofa að skrifast á svo að það sé öruggt að óskalistinn fyrir jólin komist til skila:)

Jæja, ekki byrjar þetta vel... er búin að hanga á netinu í tvo tíma þegar ég á að vera að læra. Best að fara að þrífa íbúðina.... ehemmm....

Pollýanna er komin aftur

2006-07-29T18:09:00.000-07:00

Hún Pollýanna stórvinkona mín hvarf í nokkra daga en er sem betur fer komin aftur. Alveg hundleiðinlegt þegar hún fer svona í burtu á þess að vara mann við. Hitinn er komin niður í rúm 30 stig og ég sit úti á nýju svölunum okkar að skrifa ritgerð um “the American Dream”.
Við erum búin að vera án svala í rúma viku og aldrei hefur okkur langað eins mikið til að grilla...!?! Fengum líka óvænta heimsókn síðustu helgi og þurftu þau að fara út á pallinn fyrir framan til að reykja. Svalirnar voru reyndar alveg að hrinja niður og það var varla þorandi að fara út á þær. Nýju svalirnar eru líka miklu stærri og svo er líka búið að taka stóra tréð úr garðinum fyrir neðan þannig að maður getur meira að segja legið í sólbaði á svölunum og horft yfir í næstu íbúð ehemm.... Það þýðir einnig að nú verðum við að passa okkur að vera ekki að striplast fyrir framan gluggann því það sést ansi mikið inn:(
Vonandi verður restin af helginni hjá ykkur góð og skemmtið ykkur á Sigurrósartónleikunum:)

2006-07-24T19:33:00.000-07:00

Hot, hot, hot…..!!!
Ég er gjörsamlega búin að vera að kafna úr hita í allan dag. Síðustu daga er búið að vera á milli 42 til 46 stiga hiti….. ógeðslegt!!!! Hélt mig að mestu leyti innan dyra um helgina en varð víst að fara í vinnuna í dag. Fór í göngutúr með einum af gaurunum mínum klukkan hálf níu í morgun og kom svoleiðis rennsveitt tilbaka eftir korter:(. Þá vill ég heldur rigningu og rok á Íslandi, maður er þá allavegana vakandi á meðan. Núna vill maður helst bara hanga inni og ef maður þarf að vera úti þá er maður svo dasaður og ógeðslega sveittur.... ohhh lífið er svo erfitt!!!!!

bloggedí blogg...

2006-07-19T18:48:00.000-07:00

.... og svo ári seinna..... Ég fékk svo mikið af skömmum þegar ég var á Íslandi núna í byrjun júlí þannig að ég þori ekki annað en að “updata” bloggið mitt. Ætla bara að gera mjög svo stóran úrdrátt af helstu atriðum síðasta árs. Ekki mjög spennandi en ég ætla nú að reyna að vera duglegri. Það eru náttúrulega allir löngu búnir að gefast upp á að kíkja hingað (ekki að það hafi nú eitthvað margir verið að skoða bloggið)... en ég lofa bót og betrun... ehemm....Ætla þá bara að byrja frá síðasta bloggi sem var fyrir rétt rúmu ári síðan.

Júlí: Já, við fórum sem sagt til Íslands. Ég náði að vera í tæpa viku. Ómar í minni aðgerð, gekk vel. Ómar varð að vera eftir til þess að fara í aðra aðgerð sex vikum seinna. Ég alein heima í Sacramento. Skemmti mér vel og komst svona líka rosalega inn í sumardagskránna í sjónvarpinu.:)

Ágúst: Mamma, pabbi og Óli komu í heimsókn og þeir sem ekki eru búin að sjá myndirnar geta kíkt á picturetrail síðuna (er á planinu að setja inn nýjar myndir....ehemm...) Ómar fór í seinni aðgerðina og gekk vel. Er eins og nýr maður með vel virkandi nýru. Ómar kom heim, gaman, gaman.

September: Silja og Hjalti komu í heimsókn. Sigurrós tónleikar í Berkley...æðislegir. Hmmm... man ekki meira

Október: hmmm!?!?

Nóvember: jáhá....?!?!

Desember: Já, jólin komu og fóru. Einar Karl kom í heimskókn yfir jól og áramót. Já, og Ómar útskrifaðist með BA gráðu en neitaði að klæðast slopp og hatti þannig að ekki eru til neinar myndir til að sanna þennan áfanga.

Janúar: aaaahhhh.... Ómar byrjaði í masters náminu. Ekkert meira merkilegt gerðist þennan mánuðinn.

Febrúar: Æji.... þetta er farið að vera vandræðalegt. Líf okkar er svo rosalega óspennandiL

Mars: Fórum á þorrablót íslendingafélagsins í San Fransisco. Svaka stuð. Fengum hákarl og brennivín. Sumir fengu kannski of mikið af öðru..... happdrættisvinningurinn í grænu flöskunni enn upp í skáp og gengur ekkert að hella því ofan í þessa fáu gesti sem að koma.

Apríl: Mínar yndislegu systur og Þráinn komu í heimsókn um páskana. Veður pöntunin hefur örugglega týnst í pósti því að það rigndi mest allan tímann sem þau voru hérna. Elfa segist aldrei ætla að koma hingað aftur... við sjáum nú til með það...!!! Fólk var sett í bolabann og allskonar önnur bönn

Maí: Íris vinkona kom í heimsókn í endaðan maí... unnið vel að brúnkunni. Moll, San Fransisco, Alcatraz, moll, Vínsmökkun í Napa, Moll, útibrúðkaup í 40 stiga hita, bændabrúnka, moll......

Júní: Dagarnir til Íslands ferðar taldir niður.

Júlí: Fórum til Íslands og náðum að vera í rétt tæpar 2 vikur. Náðum náttúrulega ekki að hitta alla en það gerist víst aldrei. Gátum þó hitt nokkuð marga. Fórum í brúðkaup til Ragnhildar og Halla daginn eftir að við komum sem var alveg æðislegt.... en enn með bragðið af humarsúpunni í munninum:) Var brunað beint af flugvellinum í klippingu og litun til systu því mér var sagt að ég mætti örugglega ekki sitja á sama borði og þær í brúðkaupsveislunni án þess að vera aðeins löguð til.
Við vorum voðalega mikið á ferðinni á milli Sandgerðis og Reykjavíkur því maður verður víst að passa sig að skipta tímanum jafnt á milli fjölskyldnaJ Náðum meira að segja að fara til Ísafjarðar eina helgina þar sem var slappað af í sumarbústað með familíunni.
Nú erum við sem sagt komin heim úr “frískandi” veðrinu á Íslandi í rúmlega 40 stiga hitann hér og lífið gengur bara sinn vanagang. Ómar að vinna og ég að vinna og svo læra.
Ciao!!

blogg, blogg, blogg....!!!

2005-06-23T21:51:00.000-07:00

Já, alveg rétt!! Ég er með bloggsíðu.... hmmm...!!!

Allt bara gott að frétta af okkur... eða svona næstum því. Aðalfréttirnar eru kannski þær að við erum á leiðinni til Íslands bara núna næstu helgi. Ekki beint skemmtiferð samt. Ómar þarf nefnilega að fara í aðgerð... það hefur verið eitthvað vesen með nýrun hjá honum síðustu mánuði og læknarnir á Íslandi ætla víst eitthvað að laga það hjá honum. Planið var að ég myndi verða eftir hérna en svo gat ég kríað út nokkurra daga frí þannig að ég flýg með Ómari til Ísl. 2. júlí og svo tilbaka 9. Ómar verður svo eitthvað lengur. Fer allt eftir því hvað læknarnir gera við hann.

Allt annað gengur bara vel. Veðrið hérna búið að vera meira en minna skrýtið. Heilir 3 rigningardagar búnir að vera í júní og fólk man bara ekki annað eins.... En þetta er allt að koma og hitinn komin upp í rúm 30 stig og maður næstum farin að bölva honum. Er voðalega mikið að reyna að finna upp á einhverju skemmtilegu að segja frá en það er bara ekki neitt.
Var að setja heilar 12 myndir inn á myndasíðuna www.picturetrail.com/ragnalaufey Sem eru mest spennandi myndirnar frá janúar til júni !?!
Vonandi hafið þið það bara gott og kannski hitti eg á ykkur á Íslandi ef timi leyfir

J

2005-05-18T19:45:00.000-07:00

Allt bara í gúddý hérna í rigningunni í Kaliforníu. Mætti segja að ég sé komin með nett nóg af þessarri rigningu. Kemur alltaf annars lagið sól og blíða í svona 2 daga en alltaf kemur rigningin aftur:(
Annars er aðal krísan á þessum bæ sú (reyndar bara hjá mér.....) að það lítur allt út fyrir að maður missi af júróvísíón. Ég hef nú alltaf verið svolítið spennt fyrir þessarri keppni og náði hún náttúrulega algeru hámarki þegar keppnin var í Köben og við gátum nælt okkur í miða á generalprufuna:) Ég er bara einhvern veginn svo viss um að Íslandi eigi eftir að ganga vel í ár. Segir maður þetta nú ekki samt á hverju ári......??? En einhvernveginn núna er ég svo viss..... hmmmm.... þannig að ef einhver af ykkur veit til þess að það sé sýnt frá keppninni í gegnum netið þá endilega látið mig vita. Þó svo ég efist nú um að einhver viti það svona fyrir tilviljun. En það er allavegana gott að prófa. Það gæti leynst einhver laumu júróvisíón aðdáandi í einhverju ykkar...........

2005-05-06T19:20:00.000-07:00

Er búin að vera að fylgjast svolítið með þessarri blessuðu umræðu um ímynd íslenskra kvenna í útlöndum eftir Oprah þáttinn. Ætla nú ekkert að vera eitthvað að babbla neitt mikið um það en mér fannst þetta bara mest fyndið og gerði mér nú alveg grein fyrir því að þetta væri nú mjög mikið klippt til. Því auðvitað verða Bandaríkjamenn eitthvað að getað hneykslast á öðrum þjóðum og upphafið sjálfa sig því auðvitað eru bandarískar konur bara svo heppnar að búa í bandaríkjunum eins og Oprah sjálf komst að orði:) Ekki má það nú koma í ljós að það væri nú kannski "betra" að búa einhvers staðar annars staðar og að aðrar þjóðir hefðu það í rauninni bara miklu betra en hið stórkostulega fyrirbæri sem USA er!!!!!

Bara svo við tölum meira um sjónvarp (nú vitið þið alveg hvert minn frítími fer)... þá horfði ég á Joey í gærkvöldi og var þá ekki líka talað um íslenskar konur þar. Joey nebblega hafði sofið hjá konu frá hverju einasta landi í heimi... nema Íslandi. Hafði svo séns á að leika sér með Carmen Elektra og einni íslenskri, sem reyndar hét Elsaaa og hafði grunsamlega blöndu af sænskum og rússneskum hreim.... svo mun bara koma í ljós hvort að hann lét til standa eður ei..... vona að þið deyjið nú ekki úr spenningi......

Nóg um sjónvarp. Allt bara gott að frétta af okkur.... allt bara eins og áður. Sumarið ekki enn komið í full swing og við erum bara fegin. Erum samt búin að lofa brjáluðum hita í ágúst því þá ætla mamma, pabbi og Óli að skella sér "menningarferð" hingað.... aðallega til þess að komast í sundlaug og sólbað held ég.... Við erum nú svolítið fegin að planið er ekki meira en það því eins og sumir vita þá eigum við mjög erfitt með að hleypa gestum okkar mikið út fyrir hliðið á komplexinu. Gæti kannski verið að maður hleypi þeim einhvern smá radíus hérna í kring fyrst þau eru ''vön''!!!

Að lokum viljum við bara benda ykkur á að við vitum af góðu fólki sem er að leita að öðru eins góðu fólki til að leigja mjög svo fína íbúð í Blikahólunum í óákveðin tíma. Þannig að ef þið þekkjið "gott fólk'' endilega látið okkur vita. Er laus 1. júní:)

Nú segi ég bara góða helgi og hafið það gott.

Ragna L.

Ísland í útlöndum

2005-04-25T18:21:00.000-07:00

Já, já, já.... nú er bara komið "næst". Er alveg voðalega léleg í þessu. Ákvað samt að birta eitt gamalt blogg síðan rétt eftir páska sem ég ætlaði alltaf að klára en gerði víst aldrei..... bara svona svo ég geti sagst hafa 'postað' tvisvar á einum degi.

Verð bara að segja frá því að ég var rétt í þessu að klára að horfa á Oprah þar sem það var góður biti sýndur frá Íslandi og Svanhildur Hólm sat barasta í gula sófanum. Var reyndar í vinnunni þegar einn bróðirinn kom hlaupandi inn í herbergi og sagði að það væri kona í sjónvarpinu sem að talaði alveg eins og ég og Sportacus (Maggi Schewing í Lazytown). Þá kom nú TiVoið mitt sem ég fékk í jólagjöf að góðum notum því að ég var búin að stilla það þannig að það tekur upp alla Opruh þætti þannig að ég gat komið heim og horft á það í rólegheitum. Já, já, ég er alveg eins og amerísk "soccermom" sem að tekur upp Oprah. Í rauninni er það bara því það koma nú stundum voða athygglisverðir þættir............
..... en allavegana.... þá var náttúrulega voðalega gaman að sjá þetta. Það var verið að heimsækja og tala um allavegana 5 mismunandi lönd og náttúrulega fékk Ísland mesta tímann...víiiihíiii. Það var talað um hvað íslenskar konur væru fallegar og hávaxnar og ljóshærðar (já, já, hvaðan er ég þá... hmmmmm...!!!) Auðvitað var komið að því hvað við drekkum mikið, stundum mikið kynlíf og að það væri bara normið að sofa hjá á fyrsta deiti..... ekki beint pósitíf ímynd það!!!! Einnig þurfti Svanhildur að reyna að troða í Opruh brennivíni, hákarli og súrsuðum hrútspungum, sem að hljómar einhvern veginn miklu verr á ensku "rotten shark and sour lamb testicles", kannski bara af því að maður er vanur þessu á íslensku. Það var nú margt gott og jákvætt sem að kom líka fram. Til dæmis hvað íslenskar konur eru í rauninni sjálfstæðar.... það þykir engin skömm að vera einstæð móðir til dæmis og að deit reglur eru í rauninni ekki til. Konan þarf sko engan karlmann sér við hlið til þess að byggja sér status í lífinu.... heyr...heyr....!!!!
Nú kannski vita amerískar 'soccermoms´ aðeins meira um Ísland. Þið getið ekki ímyndað ykkur hve oft við höfum fengið þessa setningu í hausinn eftir að hafa sagt að við værum frá Íslandi
" Ahhhh... from Iceland, really!!! That's cool! hihihihih..... I know one thing about Iceland. Iceland is green and Greenland is ice". Það eina sem maður getur gert og sagt er bara að brosa og kinka kolli.

Verð líka að koma með svolítið sem ég las í einni af skólabókunum hjá einum bræðra hans Jonah. Þeim er öllum kennt heima og fara ekki í skóla þannig að á meðan ég er að vinna með Jonah þá eru hinir krakkarnir að læra. Athygglisvert en satt er að í landafræði bókinni hans voru heilar 4 bls. bara um Ísland. Þar stóð meðal annars að helstu áhugamál Íslendinga væru að spila skák, spil, hestreiðar og að keppa í öllu sem að prófar styrk okkar............ váááá hvað við hljótum nú að vera leiðinleg. Einnig stóð: "Iceland is a modern society. They do have TV´s, telephones and computers". Fannst þetta bara dálítið fyndið.

Málið er að maður fyllist alveg rosalegu þjóðarstollti þegar maður sér eitthvað um eða frá Íslandi hérna.... örugglega meira heldur en fólk sem býr á Íslandi. Þegar maður er búin að búa svona lengi í útlöndum þá lærir maður einhvern veginn að meta smá hlutina á Íslandi miklu, miklu betur. Til dæmis að það er ekkert sjálfsagt að fólk búi í svona mikilli nálægð við sína fjölskyldu eins og fólk gerir á Íslandi... það að geta bara skroppið í heimsókn til mömmu og pabba eða annarra er oft bara ekki til í dæminu nema að taka heilan dag eða jafnvel heila helgi í það. Það að geta keypt í matinn, farið til læknis, í bankann ,sótt um nýtt ökuskirteini, myndi taka heilan dag hér en 2 tíma heima eins og það tók mig um jólin. Er reyndar enn í svolittlu sjokki eftir það því ég var búin að gefa mér allavegana svona 4 tíma í þetta allt saman og samt búin að gera ráð fyrir að ég væri á Íslandi og að allt tæki minni tíma.

Jæja, jæja.... nóg komið að bulli í þetta sinn. Óska ykkur bara gleðilegra jóla og farsældar á nýju ári ef svo myndi fara að ég skrifaði ekkert fyrr en þá.

Þangað til næst.........

2005-04-04T21:41:00.000-07:00

Já, já, ég er hérna ennþá. Og við bæði reyndar líka.....
Ekkert neitt mikið og spennandi hefur á daga okkar drifið síðan seinast. Höfðum það bara voða gott um páskana. Reyndar hefði ég nú alveg misst af og gleymt að það væru páskar ef að páskaeggjunum hefði ekki hrunið hérna inn um dyrnar. Það er nefnilega ekkert frí gefið hérna, þannig að maður gæti auðveldlega bara gleymt páskunum. Foreldrar okkar eru svo góðir að senda okkur alltaf páskaegg. Reyndar eru þau nú búin að læra að Ómar er ekkert mikið fyrir sætindin þannig að honum er bara gefið það minnsta svo hann fái málshátt og svo ég geti bara borðað rest. Hef nokkrum sinnum "þurft" að borða 4 heil páskaegg.... því náttúrulega verður maður að borða allt íslenskt nammi og reyndar allt annað sem kemur inn fyrir þessar dyr. Reyndar læddist Ómar óvenjumikið í eggin þetta árið náttúrulega á minn kostnað en það lagaðist allt saman, því hann Elvar vinur okkar kom færandi hendi í gærkvöldi með fullan poka af lakkrís, Freyju karamellum og fleira. Þannig að nammiskúffan er nánast yfir full þessa dagana.

Ég ákvað samt að vera mjög svo gjafmild þessa páskana og gaf einum stráknum sem ég vinn með og 5 systkinum hans einn kassa af nr. eitt páskaeggjum. Bara svona svo þau gætu smakkað. Þeim fannst þetta náttúrulega mjög sérstakt en gott en voru samt mest forvitin hvað stæði á þessum litlu miðum sem voru inn í eggjunum. Ég setti mig nú í stellingar og ætlaði að reyna að þýða eitthvað af þessu en með akkúrat engum árangri. Eftir að geta þýtt eitt og eitt orð reynt að útskýra að það væri oft erfitt að sjá merkinguna meira að segja á íslensku þá sagði sá 6 ára "Are you sure you speak Icelandic? Maybe you forgot how to." Og vorkenndi mér alveg ógurlega að geta ekki lengur talað við fjölskyldu mína á Íslandi.

Mér finnst rigningin góð.... nanananana.....!!!

2005-03-23T22:15:00.000-08:00

Ég er búin að komast að því að ég er alveg hundleiðinlegur bloggari. Hélt kannski að ég gæti gert þetta og komið með skemmtilegar sögur og heimspekilega punkta....en...nei.... Kannski er þetta bara eitthvað sem maður þarf að venjast. Þegar ég spurði eina góðvinkonu mína, sem heldur uppi mjög interessant og skemmtilegu bloggi, ráða, þá sagði hún að mig vantaði að sitja í strætó í Danmörku til að fá"inspirasjón". Það getur nú vel verið, en nóg er nú tíminn til kreatífra hugsanna á þessum rúmlega 2 og hálfum tímum sem ég eyði í bílnum mínum til, milli og frá vinnu á degi hverjum og það án útvarps!!!!! Ég hlýt að vera svona líka rosalega skemmtileg að ég bara hef ekki tíma til að koma með hugmyndir að skemmtilegu bloggi. Ein ástæðan gæti líka verið sú að ég lifi bara ekki svo spennandi lífi að það er úr littlu sem engu að taka
.....hmmmmm....?!?

Svo maður byrjar á því sem að allir Íslendingar spyrja fyrst um þegar maður hittir eða talar við þá. Það er búið að rigna eldi og brennisteini hérna í heila viku og allir fréttatímar eru yfirfylltir af "stórfréttum" um aumingja fólkið sem að þurfti að taka upp regnhlífina og hlaupa úr bílnum inn í mollið eða skyndibitastaðina og um grein sem að brotnaði af tré í Capitol Park. Að vísu lennti ég í einu sem gæti verið alveg álíka fréttnæmt. Ég þarf að keyra í hálftíma á nokkurs konar sveitavegi á hverjum degi til að komast frá "morgun stráknum mínum" "til eftir hádegi stráksins". Finnst það venjulega alveg ágætlega gaman því það er smá tilbreyting frá hraðbrautunum og svo fer vegurinn í miklum hlykkjum fram hjá sveitabæjum með hestum og kúm, sem maður sér nú voða lítið af hérna. Í dag þegar ég var komin svona einn þriðja af leiðinni keyrði bíll á móti mér fullur af fólki sem að veifuðu alveg ósköp. Og ég, sem er orðin svo rosalega veraldarvön og eftir að hafa hlustað á marga fyrirlestra, stoppaði náttúrulega ekkert fyrir þau. horfði bara snobbuð fram á veginn. Ég nebblega lærði af mistökum mínum sem ég gerði nokkrum mánuðum eftir að ég flutti hingað þegar ég ætlaði að vera svo góð að gefa einum herramanni leiðbeiningar og gekk að bílnum og kom svo í ljós að þegar maðurinn kveikti ljósið í bílnum að hann var á mjög svo smart tiger g-streng einum fata... og já auðvitað hermannaklossum. Fannst þetta náttúrulega alveg ógeðslega fyndið fyrst en svo eftir á þá komst ég að þeirri niðurstöðu að þetta væri nú bara ekkert svo sniðugt því hann hefði léttilega bara getað togað mig inn um gluggann ef hann vildi. En nóg um það. Ég keyrði í svona 5 mín. í viðbót og sá að það var búið að flæða yfir veginn. Ég náttúrulega hata það að vera sein og tók þá ákvörðun að bara drífa þetta því ég yrði örugglega hálftíma of sein í vinnuna ef ég snéri við og færi aðra leið.... en þegar ég sá að vatnið var alveg vel yfir dekkin og fann bílinn aðeins kippast til þá óskaði ég þess nú að hafa snúið við... en bíllinn okkar er búin að ganga í gegnum margt þannig að þetta fékk ekkert á hann. En allavegana þá lærir maður af mistökunum og fer ekki þessa leið í rigningu...... og þetta hálfruglaða fólk í bílnum var bara að vara mig við....
Annars hef ég nú eiginlega ekkert á móti rigningunni núna. Því ég veit að innan fárra vikna verður maður bölvandi hitanum og vill gera hvað sem er fyrir nokkra rigningardaga.

Bless þangað til næst,

Ragna

Jæja..........

2005-03-05T12:03:00.000-08:00

Jæja, ég vissi nú alveg að þetta myndi gerast. Ekkert búið að blogga í heila viku. Það er nú svo sem ekkert spennandi búið að gerast. Bara búin að vera í vinnunni svona annars lagið. Einn strákurinn er búin að vera veikur og er bara búin að fara í einn dag til "nýja stráksins". Hann er alveg nýr í prógramminu og nýgreindur þannig að það var ekki alveg búið að hanna það alveg fyrir hann. Það verður samt örugglega mjög spennandi að vinna með honum því þetta er fyrsta barnið sem ég vinn með sem er næstum altalandi og hann er alveg yndislegur. Segir "please" og "thank you" við öllu saman. Sé fram á að hann muni gera rosalega vel og taka hröðum framförum. Hinn strákurinn, Jonah, er ég búin að vera að vinna með í næstum ár hjá gamla fyrirtækinu. Þau fluttu sig yfir á svipuðum tíma og ég svo ég geti haldið áfram með hann, sem er alveg æðislegt. Það er búið að endurhanna prógrammið fyrir hann og mér líst rosalega vel á. Nokkur atriði sem ég var svo ósammála með hjá hinu fyrirtækinu hefur verið breytt.... þannig að það er líka rosalega spennandi. Byrja á fullu í næstu viku. Verð bara með þessa tvo en samt fleiri tíma enn hjá ABC og betur borgað:) Þar var ég með 3 börn. Er voðalega sátt við það, þá er minni keyrsla og svo getur maður einbeitt sér meira af bara þeim. Verð alltaf fyrir hádegið hjá Blake og eftir hádegið hjá Jonah.

Af Ómari er allt gott að frétta. Hann hætti í Home Depot um síðustu helgi, þannig að hann er núna heima flest kvöld í vikunni og um helgar. Hefur verið að vinna flestar helgar síðustu 2 árin og aldrei komið heim fyrr en oftast um 9 til 11 leytið á kvöldin í vikunni. Núna hefur hann náttúrulega miklu meiri tíma til að mála og getur meira að segja stundum slappað aðeins af á kvöldin þótt hann eigi svolítið erfitt með það svona fyrst, en ég er náttúrulega alger meistari í afslöppun fyrir framan sjónvarpið þannig að ég mun þjálfa hann upp:) Tókst að láta hann horfa á fyrsta þáttinn af "America´s Next Topmodel" nú í vikunni og fannst honum það náttúrlega alger snilld. Þannig að það er nú sett í "season pass" í TiVo. Þetta TiVo er náttúrulega alveg frábært. Þetta er svona tæki fyrir sjónvarpssjúklinga eins og mig. Ég stilli bara inn uppáhaldsþættina mína, sem eru margir um þessar mundir, og það tekur allt upp fyrir mig og engar auglýsingar!!!!!

En jæja, ætli það sé ekki nóg komið af bulli í þetta sinn.

Ragna

Myndasíða Ómars

2005-02-27T14:47:00.000-08:00

Ég vildi bara gefa ykkur upp heimasíðuna hans Ómars. Hann lætur alltaf reglulega inn nýjustu myndirnar sínar og tekur gamlar út þannig að hún ætti alltaf að vera að breytast. Það eru líka nokkrar eldri myndir eftir hann inni á minni myndasíðu. Er á planinu að hanna "almennilega heimasíðu" fyrir hann...... verður örugglega gert þegar það fer aðeins að róast í skólanum hjá honum. Var einmitt að skutlast með helling af efni niður í skóla í dag þar sem næsta verkefni hjá honum er að mála á næstum 2 m. háan striga. Komum því náttúrulega ekki í bílinn þannig að hann verður að smíða striga niðrí skóla og bara hafa myndina þar. Gætum kannski reddað bíl einhvern tímann seinna til að flytja hana aftur heim ef þess þarf. Annars fékk hann stúdíóaðstöðu í skólanum þessa önnina þannig að ég er búin að endurheimta helminginn af stofunni (eða svona næstum því). Allavegana er minna af málningardóti og engin málningar og terpentínulykt þessa dagana:).......
Kann ekki ennþá að gera svona link til hliðar eins og hinir "vönu" bloggarar, reyni að finna út úr því seinna:)
www.picturetrail.com/omarthor

2005-02-26T15:55:00.000-08:00

....jahérna hér.... bara bloggað daginn eftir fyrsta bloggið!!!! Þetta lofar bara góðu:) Vill bara afsaka fyrirfram að þetta verður örugglega ekkert skemmtilegt blogg og neinar miklar heimspekilegar hugleiðingar eins og hjá öðrum bloggurum sem ég þekki. Aðallega hugsað svona fyrir fjölskyldu og vini sem að vilja svona nokkurn veginn vita hvað maður er að gera hérna í Ameríkunni. Eins og þið sjáið á fyrirsögninni á blogginu þá er þetta blogg einnig Ómars (ég veit, frekar hallærisleg fyrirsögn en mér datt bara ekkert sniðugt í hug). En einhvern veginn segist mér hugur um að Ómar eigi ekkert eftir að blogga neitt mikið þannig að þið verðið bara að þola bullið í mér.
Annars höfum við það bara ágætt hérna. Ég er nýbúin að skipta um vinnu og líkar bara vel. Ég er að gera alveg það sama og áður, sem sagt vinna með einhverfum börnum, en bara hjá öðru fyrirtæki. Ómar er loksins hættur hjá Home Depot og þarf sem sagt ekki að syngja búðarsönginn klukkan 4 á sunnudagsmorgni eins og hann þurfti að gera einu sinni í mánuði .... Hann fékk vinnu í listagalleríinu í skólanum sem er alveg ábyggilega skemmtilegri vinna fyrir hann. Það er líka minni vinna og svo getur hann líka lært eitthvað á meðan.

Svo maður sé nú alveg ekta íslendingur þá verða líka að koma smá veðurfréttir. Undanfarið er búið að vera svona um 15 til 20 stiga hiti og svona rigning annars lagið. Samt ekkert á við í suður Kaliforníu þar sem allt er á floti. Að vísu kom svona hvirfilbylur á nokkrum stöðum hérna í næstu hverfum í vikunni og rifu upp trukka og tré, en ég varð náttúrulega ekki var við neitt eins og vanalega.

Var að setja inn nýjar myndir á myndasíðuna mína.... það er nú meiri dugnaður í stelpunni hljótið þið að hugsa...... þetta eru reyndar bara myndir síðan úr Íslandsferðinni, er bara ekki með neitt nýrra. Maður er svo voðalega lélegur að taka myndir nú orðið. www.picturetrail.com/ragnalaufey

Bæjó,

Ragna

Bara smá prufa

2005-02-25T15:46:00.000-08:00

Hæ, hæ, bloggheimar........
Ég vildi bara prufa smá blogg. Er búin að hugsa um að gera þetta mjög lengi en var víst búin að mikla þetta svolítið fyrir mér en þetta er víst rosalega auðvellt. Lofa samt engu um framhaldið og reglulegu bloggi.

Ragna